RODA DAIGNRE
Carmelado
Sa raginit san init
Sa Milagros an namit
Nagprino an guin sakyan ko na dyip
Sa may bintana ako nagsudip
Nakita ko, usad na babaye
Nagrigaton, pastillas de leche
Naghunga ako, “Tiya, tagpira?”
“An usad, kinse,” an sabat niya.
Sa bulsa, haragting san sentimos
Mientras nagtubi an akon lagos
Guin paknit ko an iya nga putos
Guin hubaan ko sin lampin tulos
Sinangsang ko an iya nga unod
Guin gupa hasta nag-abot Balud
Nanamitan ko an iya anglo
Nabulong niya an paha ko
Sa raginit san init
Sa Milagros an namit
Pangapudan
No comments:
Post a Comment