Jennelyn Zamora
AN PARABUYONG DANGAN KATOLIKO,
SARÔ MAN SANÁ
An arak na kulór ihì
Sa silág na baso,
Tigahalè an pagkabuyong
Kan sakóng mga pangiturogan.
Pangiturogan na nagaburubayle
Sa hampangan ko
Dawà des oras na ki banggí.
Garú bagá tigsusudyâ
An kusóg kan libog ko saindá.
Sa hampáng ko, saróng Katoliko.
Imbés na ipahid sa angog
An benditadong tubig,
Tigadarak nya padumán
Sa kagadanan.
Kagadanan na halóy
Na nyang tigapangadyî
Sa kulór ihì
Na benditadong tubig.
An sarô ming huróp-hurop:
Masalbár.
No comments:
Post a Comment