Regina Rose B. Atole
BURADÓL
Nakisabáy an parós sa aldáw na idtó.
Napugtô an luhóng tsinelas.
Rinibong amorseko an nagdukót sa kalsón.
Peró daíng girà ki pagál sa pandók ni Poy.
Nakatangad sya sa langit.
Nagbirinúd na an liog nya.
Daí na iníng kaso.
Marháy an pagluwás kan daplós.
Nakapalipot sa daghán.
An manipís na tansî nagsisilyáb sa kamót nya.
Naglalayog na sya.
Daí natatakot sa halangkáw na nadumanán.
No comments:
Post a Comment