Christoper Cordero
BULÁN-BULANÁY
Sa kada dakúp-dakupán,
An nabibilín daw napapaig
Tag kun gapiyóng-piyongán
Gasambít san tigbák, buang, parapiyong…
Bag-ó magkaripas, magpakupkóp sa dolóm
Sa patintero kun bilóg an bulan
Tag nakaalóg san papatagduón
sa dutà,
Gabuyó-buyó, may bantáy man o warâ;
Peró nano kun baláy-balay na
an ginkakanam,
Dilì na pwede mangín bulán-bulanáy?
No comments:
Post a Comment